Ал биылғы көрсеткіш бойынша, он бес мекеменің берешегі 121 млн. теңгеден асып кетті.
Жалақы қарызы туралы мәселе кеше немесе бүгін туындаған жоқ. Бұл бірнеше жылдардан бері күрмеуі шешілмей келе жатқан мәселе. Борышкерлердің арасында үш жылдан бері қарызын өтемеген мекемелер бар.
Борышкерлердің басым бөлігі, күрделі құрылыс басқармасы, қорғаушы, «Миг 21», «ИнжестройҚызылорда», «Құмкөлсервис» серіктестіктері Қызылорда қаласында орналасқан. Мұндағылар 1458 адамның 75 млн. теңгедей қаржысын әлі күнге төлей алмай жүр. Тіпті бір ғана «Құмкөлсервистің» берешегі 30 млн. теңгеден асып жығылады. Сырдария ауданында Тоқмағамбетов, Қалжан ахун, «Агросервисшапағат» серіктестіктері 340 жұмысшының 23 млн. теңге жалақы қарызын өтеуге тіпті асығар емес. Сондай-ақ, Жалағаш ауданындағы бірнеше серіктестіктер 12 млн. теңгенің үстінде қарыз. Ал Қармақшы ауданындағы мекемелердің берешегі 7 млн. теңгені құрайды.
Борышкерлердің бірнешеуіне қарыздарды еріксіз өндіру жайлы соттың шешімі де шығып отыр. Тіпті кейбіреулері банкрот деп те танылған. Бірнешеуі-нің ісі сот актілерін орындау деп артаментінің құзіретінде тұр. Бақылау және әлеуметтік қорғау департаментінің басшысы Нұрлыбек Жолдасбаевтың мәлімдеуінше, қордаланған қарыздың ауқымды бөлігін өтеу үшін борышкер мекемелердің активтерін сот арқылы хаттамалап, оларды аукцион арқылы сатудан басқа амал жоқ.
Батыс Еуропа-Батыс Қытай көлік дәлізінің салына бастағанына үш жылдан асып кетсе де, ондағы қосалқы мердігерлердің жалақы қарызына қатысты дау-дамайы тоқтайтын сыңайы жоқ. Бұл күндері «Жылыойсервистің» бас мердігері қосалқы мердігердің қарызын төлеуді қолға алған.
Үстіміздегі жылдың қаңтар айында жоспардан тыс тексерулер жүргізіліп, «Жалағашэлеватор» серіктестігінің жұмысшыларға 2 млн. теңгеден астам жалақы қарызы бар екені мәлім болды. Бүгінде бұл мекеменің жағдайы тіпті ауыр. Өйткені бірнеше шаруашылық бұл серіктестіктің қоймасындағы өздеріне тиесілі ақталған күріштерін тазартудан өткізіп алып, әкетпей отыр. Сондықтан да мекеменің қоймасында 800 тоннадай ақталған күріш сіресіп тұр.
Есептеп қарасақ, жалпы облыс бойынша ме-кемелердің жұмысшыларына қарызы 130 млн. теңгеден асып жығылады. Осыншама қаржының барлығы қайда кеткен?
Қордаланған жалақы қарызы төңірегінде тереңге кеткен кеселді таяу арада жойып, оң шешуге облыс әкімі Қырымбек Көшербаев жұмысқа тас түйін кірісіп отыр.
