Біздің облысымызға «NADLoC» жергілікті қамтуды дамыту бойынша ұлттық агенттік» АҚ басқармасы төрағасының бірінші орынбасары Серік Жұман-ғариннің басқаруымен келген бір топ ресейлік және белорустық кәсіпкерлер де осы тұрғыдан өздерінің мүдделерін көздегені мәлім.
Делегация басшысы өз сө-зінде аймақтың экономикалық қуатына жоғары баға бере келіп, Қазақстанға, Ресейге және Белоруссияға тән ортақ қалып, өзара түсіністік пен өндірістің құрылымдық ұқсастығы бірлескен бастамалардың табыстылығын қамтамасыз ететіндігін атап көрсетті.
Белорус бизнесмендер ауыл шаруашылығы техникасын шы-ғаруды жоспарлап отырған «Себек агро» жергілікті фирмасын мысалға келтіре отырып, ақтөбелік әріптестерімен ынтымақтастықтың оң тәжірибе-сін ортаға ұсынды.
Қонақтар бірлескен бизнесті дамыту бойынша келешегі бар бірқатар ұсыныстарын білдірді. Мәселен, бұрынғы қорғаныс кәсіпорны базасында құрылған Брест электро-механикалық зауытының өкіл-дері ақтөбелік кәсіпкерлерге ауыл шаруашылығы техникасы өндірісі бойынша бірлескен кәсіпорын ашуды ұсынды. Бүгінгі күні зауыт ауыл шаруашылығы жұмыстарының сапасы мен тиімділігін арттыратын техни-калардың ауқымды бөлігін игергендігі айтылды.
Сонымен бірге газ жабдықтары мен электр энергиясы есептегіштерін, адам денесін емдейтін портативті медициналық аппараттарды бірлесіп шығару туралы ұсыныстар білдірілді. Әртүрлі лампалар жасау үшін қорғасынсыз әйнектен әйнек құбырларын шығару бойынша да ойлар айтылды.
Ресейдің Алапаев асбест руднигінен келген өкілдер нанотехнологияда, энергиялық күн батареяларында жұмыс істейтін трансформаторлар, энергия сақтайтын жарық диодты лампасы өндірісін ашу бағыттарында ұсыныстарын білдірді.
«Ақтөбе» әлеуметтік-кәсіпкер-лік корпорациясы басқармасы-ның төрағасы Серғазы Есембаев қонақтарды Ақтөбеде арнаулы экономикалық аймақ құру туралы жоспарларымен, кәсіпкерлікті дамыту бағдарламаларымен таныстырды.
Облыс әкімінің орынбасары Роза Кемалова кездесу қоры-тындысында айтылған ұсыныс-тар жақсы істердің бастауы болатындығына сенім білдірді.
